Umutwe wa AFC/M23 wisubije utundi duce two muri Teritwari ya Masisi mu ntara ya Kivu y'Amajyaruguru, nyuma y'igihe kigera ku Cyumweru waratwirukanwemo n'ihuriro ry'Ingabo zirwana ku ruhande rwa Leta ya Repubulika Iharanira Demokarasi ya Congo.
Amakuru aturuka muri Masisi aravuga ko nyuma y'agace k'ingenzi ka Remeka AFC/M23 yisubije ku wa Kane w'iki cyumweru, ku wa Gatanu tariki ya 25 Nzeri ingabo za AFC/M23 zisubije uduce twa Miko na Kaleta.
Amakuru kandi avuga ko ingabo z'uyu mutwe zasubiranye Nkonkwe, nyuma yo kuyirukanamo ingabo za FARDC ndetse n'abarwanyi b'imitwe ya Wazalendo na FDLR.
Abayobozi ba Wazalendo bari bagize uruhare mu ifatwa rya turiya duce barashinja FARDC bafatanya urugamba kubatererana, ikabima umusada wo ku butaka ndetse no mu kirere.
Ni mu gihe aba barwanyi bari bamaramaje bavuga ko bagomba gukomeza kwirukana M23 mu bice igenzura, kugeza bafashije ingabo za Kinshasa kwisubiza umujyi wa Goma.