Umusore ukomoka muri Kenya witwa Ken Wamakobe uzwi ku izina rya Mtembezi Wamacups yavuze ko inshuti ye iherutse kugwa mu kantu, irumirwa ubwo umwe mu bakobwa b'i Kigali avuga ko yari yambaye byikwije ku buryo atakekwaho kwigurisha, iyo nshuti ye yegereye uwo mukobwa igasanga ahubwo yicuruza mu buryo cyamunara ikorwamo.
Uyu musore mu butumwa yasangije abamukurikira kuri Facebook yavuze ko inshuti ye itiyimvishaga ukuntu uwo mukobwa bari bahuriye mu kabyiniro yaba anigurisha, ahubwo agasanga afite ibiciro yashyizeho ku isaha, amasaha abiri ndetse n'ijoro ryose.
Mu butumwa bwe ati " Umunsi umwe nijoro, ndi muri kamwe mu tubyiniro two mu Mujyi wa Kigali, nabonye umwe mu bakiriya banjye ari kuganira n’umukobwa w’Umunyarwandakazi wari mwiza cyane. Yari yambaye ikanzu ndende kandi nziza. Amaguru meza, igituza cyiza, kandi iyo wamurebaga inyuma, wasangaga afite umubiri ushimishije cyane. Yari afite imiterere imeze nk’icupa rya Coca-Cola, ndetse n’ijosi rye ryonyine ryashoboraga gutuma n’agasumbashyamba kagira ishyari. Yari mwiza cyane, asa neza, azi kwiyubaha kandi atuje; kuba yaravugaga Icyongereza neza byo byari akarusho."
Arakomeza ati " Umukiriya wanjye yari yatwawe na we. Ndetse n’ukuntu yasekaga byonyine byagaragazaga uko yari amwifitiye. Mu bitekerezo bye, yumvaga yamaze kubona amahirwe adasanzwe. Yari yiteze ko bari bugire ijoro ryiza.
Mbere yaho, bari barambajije uko abakobwa b’Abanyarwanda bameze, maze mbabwira nti: “Niba ugize amahirwe, ushobora guhura na El Niño utigeze ubona mbere. Numvaga nshaka kubwira uwo mugabo ukuri. Ubwinjiracyaha bw’uburaya burabujijwe mu Rwanda, ariko umwuga wa kera cyane ku isi wakomeje kubaho nubwo habayeho amategeko, za guverinoma ndetse na Bibiliya. Ntushobora kuwukuraho burundu. Nashakaga kubibwira uwo musore, ariko ndavuga nti: “Uburambe ni bwo mwarimu mushya.”
Mu kuvuga ko ibintu byabaye ibindi bindi, Wamakobe ati " Amaze kunywa Johnnie Walker nkeya, uwo musore yari afite amatsiko menshi yo kujya kureba no kumenya uko uwo mukobwa yari ameze. Ni bwo yagize igitangaza gikomeye mu buzima bwe. Hanyuma haza igice atari yiteze. Hariho urutonde rw’ibiciro: isaha imwe, amasaha abiri, cyangwa ijoro ryose. Kandi reka nkubwire, ibyo biciro ntibyari bigenewe abatangizi."
Avuga ko nyuma y''ibiganiro hagati y'uwo mukobwa w' i Kigali n'insuti ye, umusore yagarutse kumureba yirahira Rukimirana.
Ati " Yagarutse aho nari ndi. ati bro, sinshobora kwemera ko ari kwigurisha! ndamubaza nti: “Kuki utabyemera?”aransubiza ati: “Arasa n’umukobwa wiyubashye kandi utagira icyo atwaye.”Narasekeje maze ndamubwira nti: Bro, ngwino wicare hano hamwe n’abasore. Murakaza neza i Kigali. Abacuruzi b’ijoro bo muri uyu mujyi baba basa n’abakira amafaranga yabo kuri konti ya banki, ndetse bashobora no kuguha inyemezabwishyu. Hashize iminota itanu, uwo mukobwa yasohokaga muri iyo nzu ari kumwe n’undi muntu.Buri gihe haba hari utanga amafaranga menshi kurusha abandi."
Wamakobe avuga ko kuva icyo gihe babonye isomo ko Abakobwa bakora uburaya mu Rwanda batambara nabi cyangwa mu buryo bubashyira ku karubanda. Avuga ko muri Kigali ushobora kwicara iruhande rw’umwe muri abo bvakobwa ntunakeke ko afite undi mwuga akora.