Abandi bacanshuro bakorera sosiyete ya Vectus Global ya Erik Prince washinze Blackwater, bagiriye igihombo gikomeye mu mirwano imaze iminsi ibera mu burasirazuba bwa RDC, amakuru mashya akavuga ko hari 25 baheruka gupfa mu gihe abandi benshi bakomeretse.
Amakuru BWIZA yamenye avuga ko bariya bacanshuro baguye mu mirwano cyangwa ibitero byagabwe muri Kivu zombi, by'umwihariko mu duce twa Remeka, Pinga, Burora, Mulima, Rurenge, Kabanju, Gipimo na Rugezi.
Mu bacanshuro bapfuye mu mirwano yabaye muri uku kwezi k'Ukwakira, harimo batanu baguye mu mirwano yabereye mu gace ka Remeka ko muri Teritwari ya Masisi, abandi batatu bagwa i Pinga, ubwo AFC/M23 yahagabaga igitero cya drone. Ni mu gihe abandi babiri bapfiriye mu gace ka Burora.