Fizi: Imirwano ikomeye hagati ya AFC/M23 na FARDC yatangiye gusatira Kalemie

Kuri iki Cyumweru, itariki ya 27 Nzeri, havuzwe imirwano ikomeye ikomeje muri Teritwari ya Fizi, Intara ya Kivu y'Amajyepfo; aho amakuru aturuka aho yerekana ko hari imirwano ikaze hagati y'abarwanyi ba AFC/M23 bahanganye na Wazalendo na FARDC ndetse hakaba hari impungenge ko imirwano ishobora kugera mu bice byegereye Kalemie.
‎
Amakuru aturuka mu nzego zitandukanye zaho avuga ko imirwano yatangiye kare mu gitondo cyo kuri iki Cyumweru, itariki ya 27 Nzeri, mu duce twa Kuwihene, Kwasabuni, na Timbyangoma, duherereye muri Gurupoma ya Basimukuma, Umurenge wa Mutambala, mu misozi ya Fizi mu majyepfo y’iburasirazuba bwa Minembwe.
‎
‎Indi mirwano iravugwa muri Natulonge na Nagishashu, muri Gurupoma ya Basimunyaka Sud, Umurenge wa Lulenge, muri Teritwari ya Fizi na none.
‎
‎Abazi aha hantu n'ababikurikiranira hafi basobanura kariya gace ko mu majyepfo ya Minembwe nk'akarere k'ingenzi cyane, kandi basanga inyeshyamba za AFC/M23 zishobora gukomeza imbere zerekeza mu duce duherereye mu cyerekezo cya Kalemie.