Koreya ya Ruguru yabwiye EU ko uburenganzira bwa muntu atari umwihariko wabo

Ambasade ya Koreya ya Ruguru muri Loni yikomye Umuryango w’Ubumwe bw’u Burayi kubera umushinga w’umwanzuro wajyanye muri Loni. Pyongyang yavuze ko Uburengerazuba atari bwo bwonyine buzi uburenganzira bwa muntu.
‎
‎Koreya ya Ruguru, yasubizaga umushinga w'umwanzuro Umuryango w’Ubumwe bw’u Burayi ku burenganzira bwa muntu muri icyo gihugu, ibwira uwo muryango "kwita ku bibazo byawo bwite," nk'uko byatangajwe n'itangazamakuru rya leta ku wa Kane.
‎
‎Pyongyang imaze igihe kinini ishinjwa na Loni n’abaharanira uburenganzira bwa muntu kutubahiriza ubwo burenganzira.
‎
‎Ambasade ya Koreya ya Ruguru, mu itangazo ryatambutse ku Biro Ntaramakuru bya Koreya ya Ruguru, yavuze ko iki gikorwa ari "ikinamico" kandi ari "ubushotoranyi bushingiye kuri politiki."
‎
‎Yavuze ko uwo mwanzuro "ugoreka byimazeyo" politiki yawo y'uburenganzira bwa muntu, uvuga ko uburenganzira bwa muntu atari "umwihariko w'ibihugu by'Iburengerazuba."
‎
‎Hakomojwe ku myigaragambyo ibera i Burayi, aho Ambasade ya Koreya ya Ruguru yavuze ko "Imihanda yuzuye abigaragambya baturutse imihanda yose basaba uburenganzira bw'ibanze nk'uburenganzira bwo kubaho."
‎
‎Yongeyeho ko “Umuryango w’Ubumwe bw’u Burayi wagombye kwita ku bibazo byawo bwite, aho kwibanda ku bibazo bitabaho by’uburenganzira bwa muntu.”