Abakuru b’ibihugu bya Afurika barimo Perezida Paul Kagame w’u Rwanda, Yoweri Museveni wa Uganda, Félix Tshisekedi wa Repubulika Iharanira Demokarasi ya Congo na Évariste Ndayishimiye w’u Burundi, bari mu bayobozi 17 bemeje ko bazitabira inama ya gatatu y’u Burusiya na Afurika iteganyijwe i Moscow mu mpera z’Ukwakira 2026.
Iyi nama izahuza Perezida w’u Burusiya, Vladimir Putin, n’abayobozi b’ibihugu bya Afurika, ikaba igamije gushimangira umubano wa politiki, ubukungu n’umutekano hagati y’impande zombi.
Ikinyamakuru Africa Intelligence cyatangaje ko abayobozi 17 b’ibihugu bya Afurika bamaze kwemeza ko bazayitabira.