U Rwanda na Pakistan byasinye amasezerano y'ubufatanye mu bucuruzi agamije kwagura ubucuruzi n'ishoramari hagati y'ibihugu byombi, biteza imbere umusaruro w'imbere mu gihugu no gushimangira ubufatanye muri "business".
Aya masezerano yasinywe na Minisitiri w'Ubucuruzi n'Inganda, Antoine Kajangwe n'Intumwa Nkuru ya Pakistan mu Rwanda, Naeem Khan, mu Nama y'Ishoramari hagati y'u Rwanda na Pakistan kuri uyu wa Kane, itariki 24 Nzeri 2026.
Ni amasezerano y'ubufatanye mu bijyanye inganda n'ikoranabuhanga, aho u Rwanda rushaka ishoramari rya Pakistan mu gutunganya ibikomoka ku buhinzi, ndetse no mu gukora imyenda n'imiti.
Ubucuruzi hagati y'ibihugu byombi bwageze kuri miliyoni 236.4 z'amadolari hagati ya 2023 na 2025, mu gihe u Rwanda rwanditse imishinga irindwi y'ishoramari y'Abanyapakistani ifite agaciro karenga miliyoni 2 z'amadolari.
Uhagarariye Pakistan mu Rwanda yavuze ko ubukungu bw'ibihugu byombi bushingiye ku bwuzuzanye atari ihangana.