Umugore wo muri Ghana wamamaye mu mukino wa filime, Rosemond Brown uzwi nka Akuapem Poloo yizihije isabukuru y'imyaka 7 y'umuhungu we, yambariye ubusa imbere ye, akaba yasobanuye n'impamvu yabikoze.
Ku Cyumweru, tariki ya 30 Kamena 2013 ni bwo umuhungu wa Akuapem yavutse. Uyu mugore avuga ko icyo gihe nta kibazo na gito yari afite, habe no kwicuza ko yatwise. Ati: "Uyu munsi ndacyawibuka kuko usobanuye byinshi kuri njye. Numvishe gusa iminota 30 y'ububabare ubwo wansohokagamo, wari mwiza kuri njye.
Akomeza ati: "Nabyaye bitangoye, ntabwo nabazwe ndetse nta n'ubumuga nakuyemo. Urabona uko undeba, iteka wibuke ko ngukunda."
Umwanya w'Iyamamaza ry'Ubucuruzi - BWIZA ADS
Kwamamaza hano: isaackamis@gmail.com | +250 788 000 000
Yasobanuye impamvu yambariye ubusa imbere y'umwana we
Akuapem Poolo yagize ati: "Nambaye ubusa imbere yawe kubera ko ari ko nari meze ubwo nakubyaraga, ubwo nubona nambaye ntuntambukeho ahubwo undebe nk'umubyeyi wawe watumye ugira ubuzima."
Nyuma y'igitutu yashyizweho n'abamukurikira ku rukuta rwa Instagram, yahise asiba iyi foto n'ubutumwa buyiherekeje, bikaba bivugwa ko Akuapem ashobora guhanwa n'amategeko yo muri Ghana.
Ibyamamare mu muziki muri Nigeria, Wizkid na Davido biri mu banenze imyitwarire ya Akuapem, bigana ibyo yakoze bifashishije ikoranabuhanga ryo gutunganya amafoto rya 'Photoshop'.
Wizkid na Davido biganye ifoto ya Akuapem mu buryo bwo kumukwena[/caption]