Abantu bakomeje gutungurwa n'amashusho agaragaza umuhanzi Itahiwacu Bruce, wamenyekanye nka Bruce Melody, ari mu modoka ari kumwe na ba bakobwa RIB iherutse guta muri yombi, nyuma yo kwiyandagaza ku mbuga nkoranyambaga bambaye ubusa banagaragaza imyanya ndangabitsina yabo.
Muri iyi videwo, Bruce Melody agaragara ari mu modoka (ari na we utwaye), inyuma hicaye bamwe muri ba bakobwa bane baherutse kwerekwa itangazamakuru nyuma yo gufatirwa mu bikorwa by'urukozasoni. Bagaragara bizihiwe bari kuririmbana mu majwi maremare indirimbo ya Diamond Platnumz yitwa "Kanyaga".
Umuhanzi Bruce Melody ukomeje guhirwa cyane n'umuziki, nta bushuti bwihariye busanzwe buzwi ko agirana na bariya bakobwa ndetse nta n'ingeso zitari nziza yigeze avugwaho gusa asanzwe avugwaho n'abafana be mu buryo butebya ko akunda abakobwa nk'uko biba no ku bindi byamamare nka Diamond.
Umwanya w'Iyamamaza ry'Ubucuruzi - BWIZA ADS
Kwamamaza hano: isaackamis@gmail.com | +250 788 000 000
Bruce Melody muri iyi minsi akunzwe mu indirimbo ze bwite ndetse n'izo yakoranye n'abandi bahanzi zikabica bigacika nka "Saa Moya", "Ubushyuhe", "Henzapu" n'izindi.
