Ibihugu by'u Burusiya, Ukraine na Amerika byatangiye ibiganiro by'amahoro muri Leta Zunze Ubumwe z'Abarabu, akaba ari yo nama ya mbere nk'iyo kuva muri Gashyantare.
Ibiganiro hagati y'ibi bihugu bitatu ni yo nama ya mbere nk'iyo mu mezi arenga umunani ashize. Intumwa z'u Burusiya, Ukraine na Amerika ziteraniye i Abu Dhabi mu rwego rwo kurangiza amakimbirane akomeye abaye mu Burayi kuva Intambara ya Kabiri y'Isi Yose yarangira.
Abahagarariye EU nabo bagomba kwitabira ibiganiro. Iyi nama ibaye mu gihe intambara u Burusiya bwatangije kuri Ukraine imaze amezi 56, ikaba imaze guhitana ibihumbi by'abantu mu gihe amamiliyoni ari mu buhungiro.
Muri Ukraine ndetse n'u Burayi bafite impungenge z'uko Amerika ishobora guhatira Kyiv kwemera kugira ubutaka yegurira u Burusiya.
Ibiro Ntaramakuru bya Leta y'u Burusiya TASS na RIA Novosti byatangaje ko ibiganiro byatangiye saa 11:50 za mu gitondo i Abu Dhabi (07:50 GMT).
Inkuru yanditswe na: Denis Nsengiyumva
Umunyamakuru wa BWIZA.COM wanditse inkuru 11,310.