Ikipe ya FC Barcelona yaciwe amande y’amayero 602 (arenga ibihumbi 900 Frw) n’Ishyirahamwe ry’Umupira w’Amaguru muri Espagne nyuma yo kuregwa na Atlético Madrid iyishinja kwegera rutahizamu wayo Julián Álvarez, itabanje kubimenyesha iyi kipe mu nyandiko.
Nk’uko Reuters yabitangaje, Álvarez afite amasezerano azageza muri Kamena 2030. Atlético yanaregeye FIFA, ariko ivuga ko idafite ububasha bwo gukurikirana icyo kibazo.
Álvarez aherutse gusaba imbabazi abafana ba Atlético nyuma yo kuvuga ko yifuza gukinira Barcelona, ibintu byatumye bamwe bamunenga.
Ati: “Byari ikosa. Nasobanukiwe impamvu abafana barakaye.”
Uyu munya-Argentine yageze muri Atlético Madrid mu 2024 avuye muri Manchester City, aho yari amaze gutsinda ibitego 36 mu mikino 103. Muri Atlético, yari amaze gutsinda ibitego 51 mu mikino 115.