Umunyarwanda Frank Malimungu Gashumba usanzwe ari umunyamuryango wa Patriotic League of Uganda ( PLU) yirukanwe muri uwo muryango washinzwe ukaba unayoborwa na Gen Muhoozi Kainerugaba.
Itangazo BWIZA yabonye riri gucicikana ku mbuga za radiyo zo muri Uganda nka Galaxy FM Uganda, rirabwira Gashumba yazize intambara y'amagambo amazemo iminsi n'abapasiteri bo muri Uganda aho yavuze ko " ari abatekamitwe" babeshya abaturage bavuga ko bakora ibitangaza.
PLU yavuze ko " iri gukora iperereza kuri iki kibazo."
Gashumba yirukanywe muri PLU nyuma y'aho mu mpera z'icyumweru Gen Muhoozi yari yasabye ko asaba imbabazi abakirisitu. Ni ibintu Gashumba atigeze akora.
Gashumba kandi yari aherutse gukurwa ku mwanya wa Visi- Perezida wa PLU muri Buganda.