Igitero cya AFC/M23 cyagabwe ku birindiro by’ingabo za Repubulika Iharanira Demokarasi ya Congo (FARDC) ku Kibuga cy’Indege cya Pinga cyahitanye abarenga 10, barimo abarwanyi ba FDLR n’abasirikare ba FARDC, mu gihe imirwano ikomeje gukaza umurego mu gace ka Walikale.
Amakuru BWIZA yamenye ni uko icyo gitero cyabaye mu gitondo cyo ku wa Mbere tariki ya 28 Nzeri 2026, ubwo AFC/M23 yarasaga kuri ibyo birindiro ikoresheje drone.
Ni ubwa mbere Pinga yari igabweho igitero icyo ari cyo cyose, kuva imirwano yongeye kubura mu 2021 hagati ya M23 na FARDC.