Burkina Faso yafunguye uruganda rwayo rwa mbere rutunganya zahabu

Burkina Faso yatangije uruganda rwayo rwa mbere rutunganya zahabu mu gihe guverinoma iyobowe n'igisirikare ishaka gutunganya urwego rw'ubucukuzi bw'amabuye y'agaciro rw'igihugu no kurushaho kurugiraho ububasha.
‎
‎Perezida Ibrahim Traoré yavuze ko iki gikorwa ari kimwe mu bikorwa bigamije kurangiza kwishingikiriza ku kohereza mu mahanga amabuye y'agaciro adatunganyijwe ngo atunganyirizweyo.
‎
‎Mu ijambo rye kuwa Mbere afungura ku mugaragaro uru ruganda ruherereye i Ouagadougou mu murwa mukuru, Perezida Traore yagize ati: "Turashaka gutunganyiriza ubutare bwacu bwose mu gihugu... turashaka kugira uruhererekane nyongeraciro rwose hano."
‎
Burkina Faso ni kimwe mu bihugu bifite zahabu nyinshi muri Afurika, nyamara ubuyobozi bwagiye bugorwa no gushyira ku murongo urwego rw'ubucukuzi bw'amabuye y'agaciro rwagiye rwitambikwa n'ibikorwa by'aba-jihadiste.
‎
Guverinoma ya Traoré yizeye ko uru ruganda rushya ruzahindura igihugu kidakora ku nyanja kikaba ihuriro ry'akarere mu gutunganya zahabu.