Abakirisitu bamaze imyaka myinshi bakurikira Yesu Kristo bashobora kugira uruhare rukomeye mu gufasha abizera bashya gukura mu kwizera, binyuze ku buhamya n’amasomo bakuye mu buzima.
Umwanditsi Stephen James agaragaza ko amatorero akwiye guha agaciro abakirisitu bakuze, cyane cyane abagaragaje ukwizera, urukundo no kwihangana mu bihe bitandukanye by’ubuzima.
Abanyuze mu bigeragezo birimo ubukene, kubura ababo cyangwa ibindi bibazo bashobora gufasha abakiri bato gusobanukirwa uko bakomeza kwiringira Imana no mu bihe bikomeye.
Bibiliya ishimangira ko ukwizera kugomba guhererekanywa hagati y’ibisekuru. Muri Zaburi 145:4, hagaragazwa ko igisekuru kimwe kigomba kumenyesha ikindi imirimo y’Imana. Na none, Tito 2:1-8 igaragaza uruhare rw’abakirisitu bakuze mu kwigisha no kubera abakiri bato urugero rwiza.
Ni yo mpamvu amatorero ashishikarizwa guhuza abakirisitu bakuze n’abakiri bato binyuze mu biganiro, amasengesho no gusangizanya ubunararibonye.