Umuyobozi mukuru w’Ingabo IRGC muri Iran, Rear Admiral Ali Fadavi, yatangaje ko ingabo za Leta Zunze Ubumwe za Amerika zasubiye inyuma ho kilometero zirenga 1,000 uvuye ku umupaka wa Iran.
Fadavi yabivugiye mu kiganiro cyanyuze kuri televiziyo ya Iran, avuga ko iki cyemezo kitafashwe ku bushake n’Amerika, ahubwo ko cyatewe n’imbaraga za Iran n’ubushobozi bwa IRGC.
Uyu muyobozi yavuze kandi ko, ku nshuro ya mbere, nta mato y’intambara y’Amerika akiri mu Kigobe cy'aba-Peresi, mu muhora wa Hormuz, mu Kigobe cya Oman cyangwa mu majyaruguru y’Inyanja y’Abahinde.
Fadavi yavuze ko amato y’intambara ya Amerika ashobora kugabwaho ibitero n’ingabo za Iran, mu gihe impande zombi zikomeje guhangana ku bijyanye n’umutekano w’inyanja n’ikoreshwa ry’Umuhora wa Hormuz.