Ingabo za Repubulika ya Demokarasi ya Congo (FARDC), zifashijwe n'abarwanyi ba Wazalendo, zongeye kwigarurira centre ya Numbi kuri uyu wa Kabiri, itariki ya 6 Ukwakira 2026, muri Teritwari ya Kalehe muri Kivu y'Amajyepfo, nyuma y'amezi menshi hagenzurwa n'inyeshyamba za M23, nk'uko amakuru aturuka mu gace abivuga.
Kwigarurira uyu mujyi kwabaye nyuma y'imirwano mu duce twinshi twa Kalehe. Nk'uko amakuru amwe abivuga, abarwanyi ba M23 bari basubiye inyma basubira muri Numbi kuwa Mbere nyuma yo gutakaza ibirindiro cyane cyane i Shanje, Gasenda, n'udusozi twa Bukumba.
Ingabo za leta na Wazalendo bivugwa ko bakomeje kwegera imbere bagana mu mujyi wa Numbi, ahabereye imirwano yabanjirije kuhigarurira.
Ariko, nk'uko amakuru aturuka aha akomeza avuga, umutekano muri ako gace uracyari muke, mu gihe havugwa urujya n'uruza rw'abarwanyi berekeza ahitwa Byonde.
Inkuru yanditswe na: Denis Nsengiyumva
Umunyamakuru wa BWIZA.COM wanditse inkuru 11,310.