Igitero cya kajugujugu y’intambara y’igisirikare cya Repubulika ya Demokarasi ya Congo (FARDC) biravugwa ko cyahitanye abaturage b’inzirakarengane mu gace gatuwe cyane muri Lubero, mu Ntara ya Kivu y’Amajyaruguru.
Aya makuru yashyizwe ahagaragara n’ihuriro AFC/M23 mu iitangazo ryashyize ahagaragara nyuma y’icyo gitero.
“Ku wa Gatandatu, itariki ya 3 Ukwakira 2026, ahagana saa munani n'igice z'umugoroba (14h30), kajugujugu y'intambara y'ubutegetsi bwa Kinshasa yateye ibisasu bibiri mu gace gatuwe cyane ka Pitakongo, muri Teritwari ya Lubero,” ibi ni ibyatangajwe n’Umuvugizi wa AFC/M23, Laurence Kanyuka.
Yakomeje avuga ko iki gitero cya bombe cyagabwe mu gace gatuwe cyane cyahitanye abaturage benshi, rinatuma abanda benshi bahunga.
Ihuriro AFC/M23 ryaboneyeho gutanga abagabo ku baturage ba Congo imbere y’uku kwiyongera kw'ibitero byibasira abaturage kandi ryongera gushimangira ko rifite uburenganzira bwo gufata ingamba zose zikenewe kugira ngo abaturage barindwe kandi bagire umutekano.