Minembwe: FARDC yagabye ibitero simusiga Nyaruhinga na Point Zero

Kuri uyu wa Gatatu, itariki ya 30 Nzeri 2026, saa moya n'igice kugeza saa tatu n'iminota mirongo ine za mu gitondo, ihuriro ry'ingabo zirwanira ubutegetsi bwa Kinshasa zagabye ibitero icyarimwe kuri Nyaruhinga, Point Zéro, n'uturere tuyikikije mu karere ka Minembwe.
‎
Ibi bitero byakozwe hakoreshejwe imbunda nini n'indege zitagira abapilote, byibasiye abaturage b'abasivili kandi birushaho gukaza ikibazo cy'ubutabazi nk'uko byatangajwe mu itangazo ryashyizwe ahagaragara n'Ihuriro AFC/M23.
‎
‎Iri huriro riramenyesha abanyagihugu n'amahanga ibintu bikurikira:
‎
1. Guhonyora amasezerano yo guhagarika intambara bikorwa n'ubutegetsi bwa Kinshasa kenshi, hamwe no kwinjiza no kohereza FDLR mu mpande zitandukanye ahabera urugamba, bibangamira cyane imbaraga zo guhagarika intambara n'amahirwe yo gukemura amakimbirane mu mahoro.
‎
2. Gukomeza gutukana, imvugo zibiba urwango, n'amagambo ahora avugwa n'abavugizi b'ubutegetsi ku mbuga nkoranyambaga, bemera cyangwa bigamba ihonyorwa ry'agahenge kw'ingabo z'ubutegetsi bwa Kinshasa bikwirakwiza mu buryo busubirwamo n'abavugizi ku mbuga nkoranyambaga, bigaragaza ubushotoranyi kandi bikabangamira cyane ibikorwa by'amahoro.
‎
‎AFC/M23 ivuga ko muri iyi ntambara kurinda abaturage b’abasivili bikiri ingenzi cyane kandi ifite uburenganzira bwo gufata ingamba zose zikenewe kugira ngo ibungabunge umutekano wabo.