Muri iki gitondo, ku Kigo Mpuzamahanga cy’Inama n’Imurikagurisha cya Chroy Changvar giherereye i Phnom Penh, Perezida Kagame n’Umufasha we, Jeannette Kagame, bitabiriye ifungurwa ry’Inama ya 20 y’Abakuru b’Ibihugu na za Guverinoma byo mu Muryango w’Ibihugu bikoresha Igifaransa (Francophonie).
Iyi nama, yakiriwe n’Ubwami bwa Cambodge, yitabiriwe n’Umwami Norodom Sihamoni wa Cambodge, Minisitiri w’Intebe Hun Manet, Umunyamabanga Mukuru wa Francophonie, Louise Mushikiwabo, hamwe n’abandi Bakuru b’Ibihugu na za Guverinoma.
