Umubyinnyi akaba na DJ Shakira Kay yashimiye Imana nyuma yo kurokoka impanuka y’imodoka yabaye mu ijoro ryakeye, we na murumuna we bakagira ibikomere ariko bagakomeza kubaho.
Nyuma y’iyi mpanuka, Shakira Kay yifashishije Instagram Story ashimira Imana avuga ko yarinze ubuzima bwe n’ubwa murumuna we.
Yagize ati: “Imana ibaho kandi irakora. Iyaba atari wowe Mana, njye na murumuna wanjye ntituba tugihumeka umwuka w’abazima.”
Yakomeje ashimira Imana ku mpano y’ubuzima, avuga ko kuba we na murumuna we bararokotse ari impamvu ikomeye yo kuyishimira.
Shakira Kay azwi cyane nk’umubyinnyi wagaragaye mu mashusho y’indirimbo zitandukanye z’abahanzi nyarwanda, harimo “Umutima” ya Butera Knowless na “Molomita” ya GAD yakoranye na Nel Ngabo na Kenny Sol.
Uretse kubyina, Shakira Kay yanatangiye gukora nka DJ, akomeza guteza imbere impano ze mu bijyanye n’imyidagaduro.
