Umwana w'imyaka 16 yarashe abana batatu n'umwarimu ku ishuri ribanza muri Leta ya Oregon yo muri Leta Zunze Ubumwe za Amerika mbere y’uko na we yicwa n'abari bari aho nk’uko byatangajwe na polisi.
Umuyobozi w'Igipolisi cya Bend, Mike Krantz, yatangaje ko ukekwaho icyaha utavuzwe izina, yinjiye ku ngufu mu Ishuri Ribanza rya Silver Rail mu Mujyi wa Bend ku gicamunsi cyo ku wa Kane, nyuma yo kurasa imiryango yari ifunze.
Krantz yagize ati: "Iyi ngimbi yarashwe n’umuturage" wamukurikiranye mu ishuri aramurwanya ".
Krantz yavuze ko abo bana batatu bishwe bari bafite imyaka itanu, umunani na 11. Umwana w'imyaka irindwi na mwarimu w'imyaka 54 bajyanywe mu bitaro bamerewe nabi.
Ntiharamenyekana niba uwagabye igitero hari aho ahuriye n'ishuri nk'uko inkuru dukesha BBC ikomeza ivuga.
Polisi yavuze ko uwagabye igitero yari umuhungu w’imyaka 16 waho, ariko nta bindi bisobanuro birambuye yatanze kuri we cyangwa umwirondoro w’abo bishwe.