Ihuriro ry'ingabo zirwanira ubutegetsi bwa Repubulika ya Demokarasi ya Congo kuri uyu wa Mbere ryagabye ibitero mu duce tubiri two mu Murenge wa Kaziba mu Ntara ya Kivu y'Amajyepfo nyuma yo kugaba ibindi bitero mu bice bitandukanye bya Minembwe mu ijoro ryakeye.
Nk'uko bigaragara mu itangazo ryashyizwe ahagaraga n'Umuvugizi wa FRN, Lawrence Kanyuka, "mu ijoro ryo ku wa 25 rishyira ku wa 26 Ukwakira 2026, ingabo zifatanyije zishyigikiye ubutegetsi bwa Kinshasa zongereye ibitero zigaba Kuwihene, Rugezi, Point Zéro n’inkengero zaho mu karere ka Minembwe."
Iri tangazo rivuga ko ibi bitero byakozwe hifashishijwe indege zitagira abapilote zikoreshwa nk’ibisasu (kamikaze drones) hamwe n’intwaro ziremereye, zirimo za mortier 120mm na 82mm.
"Mu gitondo cyo ku wa Mbere, itariki ya 26 Ukwakira 2026, ahagana saa kumi za mu gitondo (4:00 a.m.), izo ngabo n'ubundi zagabye ibitero ahitwa Mitimbili na Munanira, mu Murenge wa Kaziba muri Teritwari ya Walungu, muri Kivu y’Amajyepfo," ibi ni ibikomeza gutangazwa muri iryo tangazo.
FRN ivuga ko ibyo bitero by’ingabo zishyigikiye ubutegetsi bwa Kinshasa bigikomeje kandi ingabo zayo zikomeje kurinda utwo duce twibasiwe no kurinda abaturage.
Inkuru yanditswe na: Denis Nsengiyumva
Umunyamakuru wa BWIZA.COM wanditse inkuru 11,310.