Bwiza

Iran yahanuye drones ebyiri za Amerika muri Hormuz

Amakuru•
Olivier NTANTURO
By Olivier NTANTURO
•Kuwa Gatandatu, 21 Ugushyingo 2026 saa 15:19
Iran yahanuye drones ebyiri za Amerika muri Hormuz

1499965

Igisirikare cya Iran cyatangaje ko cyahanuye indege ebyiri zitagira abapilote za Leta Zunze Ubumwe za Amerika (drones) mu muhora wa Hormuz, mu gihe ibiganiro bigamije guhagarika intambara bikomeje kudindira.

Ku wa 21 Ugushyingo 2026, Abasirikare bashinzwe kurinda impinduramatwara muri Iran (IRGC) bavuze ko bahanuye drone yo mu bwoko bwa MQ-9 Reaper ndetse n’indi ya MQ-1 hafi y’ikirwa cya Qeshm. Amerika ntiragira icyo itangaza kuri ayo makuru.

Ibi bibaye mu gihe Iran isaba ko intambara ihagarara, ibihano by’ubukungu yafatiwe bikavaho ndetse n’igitutu cya gisirikare ku byambu byayo kigakurwaho kugira ngo Inzira ya Hormuz yongere gufungurwa.

Hagati aho, Amerika yafatiye ibihano Abanya-Iran bane ishinja kugira uruhare mu bucuruzi bwa peteroli bugamije gukwepa ibihano yafatiye icyo gihugu.

Olivier NTANTURO

Inkuru yanditswe na: Olivier NTANTURO

Umunyamakuru wa BWIZA.COM wanditse inkuru 2,803.