Kuri uyu wa Mbere, itariki ya 12 Ukwakira 2026, haravugwa imirwano mishya, iri kubera muri Sheferi ya Kaziba, mu Ntara ya Kivu y’Amajyepfo, hagati y’abarwanyi ba AFC/M23 na FARDC ishyigikiwe na Wazalendo.
Nk’uko amakuru aturuka muri ako gace agera kuri Bwiza abitangaza, imirwano yongeye gutangira saa kumi n'ebyiri za mu gitondo ku dusozi twa Mitimbili, muri Gurupoma ya Muhumba, mu burasirazuba bwa Kaziba, hafi y'umupaka na Sheferi ya Bafulero.
Urundi rugamba rwa kabiri ruri kubera ahitwa muri Mwera, muri Gurupoma ya Butuzi groupement, nkuko bigaragara mu yandi makuru agaragara ku rubuga nkoranyambaga rwa X.
Ibibazo by’umutekano bikomeje gutera impungenge ku baturage b’abasivili bari mu gihirahiro kubera kutamenya uko ibintu bishobora kugenda isaha iyo ari yo yose n'ingaruka bishobora kubagiraho.